Società MOVIMENTO

Insembel tras
il minchadi

Masüras d'integraziun
bei MOVIMENTO

La Società MOVIMENTO spordscha ill'UFFICINA Samedan, in INCONTRO Poschiavo ed illa BUTTEGA Scuol masüras d'intregaziun AI sco trenamaint da resistenza, trenamaint da basa ed intermediaziun da lavur. Il böt es da restabilir, da megldrar o da mantegner l'abiltà da guadagnar da persunas cun ün impedimaint corporal o spiertal. Il punct central es l'integraziun i'l marchà da lavur. Per pudair profitar d'üna masüra d'integraziun AI, sto l'Uffizi chantunal da l'AI avair permiss üna tala masüra.

Trenamaint da resistenza

Il trenamaint da resistenza as drizza a persunas cun ün impedimaint chi vöglian examinar ed augmantar lur resistenza i'l process da lavur. Cun coachings individuals sustegna nos persunal qualifichà a persunas pro quist intent e tillas güdan a s'acquistar las cumpetenzas necessarias. Lavurà vain in üna gruppa da lavur in ün dals chomps da lavur da las gestiuns MOVIMENTO UFFICINA Samedan, INCONTRO Poschiavo o BUTTEGA Scuol. Grazcha al trenamaint da resistenza dess la persuna ragiundscher i'l

  • Pensum minimal: 2 uras al di
  • Dürada minimala:1 fin 3 mais
  • Böt: Augmaint sün 4 uras al di (pensum da 50%)

Infuormaziuns per uffizis d'assegnaziun ed annunzcha:
Markus Spillmann
Tel. +41 (0)81 851 12 11
e-mail: markus.spillmann@movimento.ch

 

 

Trenamaint da basa

Il trenamaint da basa as drizza a persunas cun ün impedimaint chi han fingià examinà lur resistenza i'l process da lavur e vöglian augmantar lur abiltà da lavurar. Il böt es d'accumplir las pretaisas dal marchà da lavur e da reacquistar l'abiltà da prestaziun cumplaina. Per obtegner quai lavura la persuna obain in ün dals chomps da lavur da las gestiuns MOVIMENTO UFFICINA SAMEDAN, INCONTRO Poschiavo e BUTTEGA Scuol obain in üna intrapraisa partenaria externa. Cun coachings individuals sustegna nos persunal qualifichà a las persunas pro quist intent da ragiundscher lur böt d'ün pensum da lavur da 100% (8 uras al di).

  • Pensum minimal:?50% (2 uras al di dürant 4 dis l'eivna)
  • Dürada minimala: 1 mais
  • Böt:?Augmaint sün 8 uras al di (pensum da 100%)

Infuormaziuns per uffizis d'assegnaziun ed annunzcha:
Urs Horisberger
Tel. +41 (0)81 851 12 11
e-mail: urs.horisberger@movimento.ch

Intermediaziun da lavur

Nus güdain a persunas cun ün impedimaint a tscherchar üna plazza da lavur adattada in Grischun. Las intermediaziuns da lavur illas gestiuns da MOVIMENTO UFFICINA Samedan, INCONTRO Poschiavo e BUTTEGA Scuol cussaglian a persunas pertoccas per ch'ellas possan chattar ün'actività chi correspuonda a lur abiltats e s'integrar optimalmaing i'l marchà da lavur.

Contact