Società MOVIMENTO

Lö da lavur,
Spazi per viver.

In Engiadina Bassa
BUTTEGA Scuol

Per üna lavur in accord cun la natüra i'l sectur gastronomic

Chasa d'abitar

  • 8 plazzas d'abitar cun assistenza cumpletta ed occupaziun in gruppas i'l sectur gastronomic
  • chüra individuala, assistenza cumpletta, assistenza parziala o accumpognamaint
  • stanzas d'ün let möbladas cun bogn separà (duscha, tualetta, lavandin)
  • locals cumünaivels spazius e chadafö separada

Occupaziun

  • 18 plazzas da lavur assistidas in gruppas da producziun e d'occupaziun (Cafè al liber cun mostaria, producziun da mangiativas, ufficina da textilias, lavurs in seria, mailings)
  • masüras d'integraziun AI: trenamaint da resistenza e da basa sco eir coaching professiunal ed intermediaziun da lavur

Abitar

Illa gestiun MOVIMENTO?«BUTTEGA» spordschain nus a Scuol in Engiadina Bassa tuot in tuot 8 plazzas d'abitar assistidas a persunas cun ün impedimaint corporal o spiertal chi han bainschi dabsögn d'ün sustegn, chi vöglian però viver tant sco pussibel independentamaing. Cun gronda sensibilità accordain nus il möd d'assistenza e d'intensità al bsögn individual dal singul abitant. Chi's tratta d'üna assistenza cumpletta, assistenza parziala, chüra o accumpognamaint: Nos persunal qualifichà praista illas gruppas d'abitar assistidas ün agüd chi correspuonda als bsögns e promouva uschè l'agir independent ed auto-determinà.

Illa cumünanza d'abitar vivan persunas creschüdas a partir da 18 ons chi mainan insembel üna vita sco i'l minchadi da famiglia: Ellas fan lur lavur dürant il di in üna da nossas gruppas d'occupaziun, fan cumünaivelmaing la chasada, cuschinan insembel ed organiseschan lur temp liber. Pro tuot quai vegnan ellas adüna sustgnüdas ed accumpagnadas da las persunas d'assistenza respectivas. Mincha abitant ha tant üna sfera privata in sia stanza sco eir pussibiltats da s'inscuntrar i'ls locals d'inscunter cumünaivels.

Lavur ed occupaziun

Il Cafè al liber "Monreal" cun mostaria e nossa intrapraisa d'elavuraziun spordschan multifarias plazzas da lavur e d'occupaziun assistidas a 18 persunas a partir da 18 ons cun impedimaints fisics sco eir psichics ligers, medis o greivs. Ils abitants pon far da maniera auto-determinada e sainza squitsch da prestaziun lur lavur ütila i'l sectur gastronomic chi tils fa plaschair e tils dà üna structura dal di. Il böt da l'occupaziun es l'integraziun sociala e professiunala.

Masüras d'integraziun professiunalas AI

Posiziun e viadi

Adressa e contact

BUTTEGA Scuol
Stradun 412
CH-7550 Scuol

Dr. Karin Hänni
manadra dal post BUTTEGA Scuol
Tel. +41 (0)81 860 31 14
karin.haenni@movimento.ch