Società MOVIMENTO

Lö da lavur,
Spazi per viver.

In Valposchiavo
INCONTRO Poschiavo

Per üna lavur creativa

Chasa d'abitar

  • 12 plazzas d'abitar cun assistenza cumpletta
  • chüra individuala, assistenza cumpletta, assistenza parziala o accumpognamaint
  • stanzas d'ün let möbladas cun bogn separà (duscha, tualetta, lavandin)
  • locals cumünaivels spazius e chadafö separada

Occupaziun

  • 16 plazzas da lavur assistidas in gruppas da producziun e d'occupaziun (falegnamaria, trar chandailas, ufficina creativa, lavurs in seria, mailings)
  • masüras d'integraziun AI: trenamaint da resistenza e da basa sco eir coaching professiunal ed intermediaziun da lavur

Center dal di

  • 11 plazzas assistidas aint il center dal di cun activitats creativas, artisticas e sportivas

Abitar

Illa gestiun MOVIMENTO «INCONTRO» spordschain nus a Poschiavo, illa val da lingua taliana dal Grischun dal Süd, tuot in tuot 12 plazzas d'abitar assistidas a persunas cun ün impedimaint corporal o spiertal chi han bainschi dabsögn d'ün sustegn, chi vöglian però viver tant sco pussibel independentamaing. Cun gronda sensibilità accordain nus il möd d'assistenza e d'intensità al bsögn individual dal singul abitant. Chi's tratta d'üna assistenza cumpletta, assistenza parziala, chüra o accumpognamaint: Nos persunal qualifichà praista illas gruppas d'abitar assistidas ün agüd chi correspuonda als bsögns e promouva uschè l'agir independent ed auto-determinà.

Illa cumünanza d'abitar vivan persunas creschüdas a partir da 18 ons chi mainan insembel üna vita sco i'l minchadi da famiglia: Ellas fan lur lavur dürant il di in üna da nossas plazzas da lavur e d'occupaziun, fan cumünaivelmaing la chasada, cuschinan insembel ed organiseschan lur temp liber. Pro tuot quai vegnan ellas adüna sustgnüdas ed accumpagnadas da las persunas d'assistenza respectivas. Mincha abitant ha tant üna sfera privata in sia stanza sco eir pussibiltats da s'inscuntrar i'ls locals d'inscunter cumünaivels.

Lavur ed occupaziun

Las ufficinas, ils ateliers, la falegnamaria e la tessonda da L'INCONTRO Poschiavo spordschan multifarias plazzas da lavur e d'occupaziun assistidas a 16 persunas a partir da 18 ons cun impedimaints fisics sco eir psichics ligers, medis o greivs. Ils abitants pon far da maniera auto-determinada e sainza squitsch da prestaziun lur lavur ütila chi tils fa plaschair e tils dà üna structura dal di. Il böt da l'occupaziun es l'integraziun sociala e professiunala.

Masüras d'integraziun professiunalas AI

Center dal di

Nos center dal di spordscha ad 11 persunas cun ün impedimaint ün'occupaziun ütila. Nos persunal qualifichà planisescha insembel culs pertocs e confamiliars üna structura dal di individuala. Nos program d'actività pissera cun musica, sport e lavur creativa per ulteriura variaziun. Aint in nos center dal di sun cordialmaing bainvgnüts tant uffants e giuvenils sco eir creschüts e seniors cun ün impedimaint. Qua vain El/Ella a savair daplü davart plazzas libras i'l center dal di.

Posiziun e viadi

Adressa e contact

INCONTRO Poschiavo
Via da Mezz 51
CH-7742 Poschiavo

Josy Battaglia
Directur INCONTRO Poschiavo
Tel. +41 (0)81 844 04 74
Fax +41 (0)81 844 15 51
josy.battaglia@movimento.ch