Abitar
A Scuol in Engiadina Bassa spordschain nus plazzas d'abitar protettas a persunas cun ün impedimaint corporal, spiertal, e/o psichic chi han bainschi dabsögn d'ün sustegn, mo vöglian però viver tant sco pussibel independentamaing. Nossas specialistas e noss specialists promuovan illas gruppas d'abitar assistidas l'agir autonom ed autodeterminà e tillas accumpognan tenor lur bsögns.
Illa cumünanza d'abitar vivan creschüts/-das a partir da 18 ons chi mainan insembel üna vita da minchadi: Dürant il di vain ellas/els a lavurar in üna da nossas spüertas, mainan insembel la chasada, cuschinan insembel e structureschan lur temp liber. Pro tuot quai vegnan els/ellas sustgnüts/-das ed accumpagnats-/-das adüna da la persuna respunsabla respectiva. Las cliaintas e'ls cliaints chattan ultra da la sfera privata in lur stanzas eir pussibilitats d'inscunter i'ls locals cumünaivels.
Lavur ed occupaziun
Il Café d'üert "Monreal" e la mostaria spordschan plazzas da lavur e d'occupaziun protettas multifarias a persunas a partir da 18 ons cun ün impedimaint corporal, spiertal e/o psichic o malatia da dependenza: Las cliaintas e'ls cliaints fan independentamaing üna lavur chi fa sen e sainza squitsch da prestaziun e chi tils's/tillas fa plaschair e dà üna structura dal di. Il böt da las spüertas es lintegraziun sociala e professiunala
Masüras d'integraziun AI davart l'integraziun da lavur
- trenamaint da lavur
- trenamaint da basa
Adressa e contact
Movimento Scuol
Stradun 412
CH-7550 Scuol
Corinne Pedotti
manadra dal lö Scuol
Tel. +41 81 860 31 14
corinne.pedotti@movimento.ch
Posiziun e viadi
In Engiadina Bassa
MOVIMENTO Scuol
Abitar
- plazzas d'abitar protettas dürant 365 dis da di e da not
- accumpognamaint e chüra individuala
- stanzas d'ün let cun bong separà (duscha, WC, lavabo)
- locals cumünaivels generus e chadafö separada
Occupaziun
- plazzas da structura portettas in gruppas da producziun e d'occupaziun (gastronomia, café d'üert cun mostaria, ufficina da textilias, cusir badliners/pons
- masüras d'integraziun AI davart l'integraziun da lavur: trenamaint da lavur e da basa