Abitar assisti
MOVIMENTO

Movimento spordscha a persunas cun ün impedimaint corporal, spiertal o psichic plazzas d'abitar protettas a Samedan, Poschiavo e Scuol dürant 365 dis da di e da not. Nossas specialistas e noss specialists accumpognan a las cliaintas ed als cliaints e promouvan üna vita indipendenta.

Illa cumünanza d'abitar vivan creschüts/-das a partir da 18 ans chi mainan insembel üna vita da minchadi: Dürant il di van ellas/els a lavurar in üna da nossas spüertas, mainan insembel la chasada, cuschinan insembel e structureschan lur temp liber. Pro tuot quai vegnan els /ellas sustegnüts/-das ed accumpagnats/-das adüna da la persuna respunsabla respectiva. Las cliaintas e'ls cliaints chattan ultra da la sfer privata in lur stanzas eir pussibilitats d'isncunter i'ls locals cumünaivels.

Persunas cun üna mobilità o ün'orientaziun limitada profitan specialmaing da las spüertas da lavur e d'occupaziun a Scuol, a Samedan e per part a Poschiavo.

Plazzas d'abitar libras in gruppas d'abitar assistidas

Tschercha El/Ella per sai svess o confamiliars ün dachasa in üna chasa d'abitar assistida a Samedan, Poschiavo o Scuol? Gugent Til/Tilla cussaglia Dr. Karin Hänni persunalmaing al telefon +41 851 12 11 o karin.haenni@movimento.ch per chattar la plazza d'abitar optimala.

Contact:

• Samedan: Seraina Camichel-Godly, tel. +41 81 851 12 12, e-mail: seraina.camichel@movimento.ch
• Poschiavo: Josy Battaglia, tel. +41 81 844 04 74, e-mail: josy.battaglia@movimento.ch
• Scuol: Corinne Pedotti, tel. +41 81 860 31 14, e-mail: corinne.pedotti@movimento.ch