Lavur assistida
MOVIMENTO

Movimento spordscha a persunas cun ün impedimaint corporal, spiertal e/o psichic sco eir malatias da dependenza plazzas da lavur protettas a Samedan, Poschiavo e Scuol. Noss lös sun drizzats aint cun falegnameria, tessonda, gastronomia, ateliers ed ufficinas. Qua pon persunas cun ün impedimaint far üna lavur chi fa sen e chi tillas fa plaschair. Ellas lavuran in lur sveltessa e sainza squitsch da prestaziun o da rendita. Grazcha a diversas structuras dal di e d'occupaziun cun differents nivels da prestaziun e chomps d'imprender pon nossas specialistas e noss specialists promuover individualmaing a las cliaintas ed als cliaints.

Plazzas da lavur i'l Grischun dal Süd

Las plazzas da lavur protettas sun trapartidas in differentas gruppas da producziun e d'occupaziun. Ellas spordschan a persunas cun impedimanints üna structura dal di cun divers puncts centrals: da lavurs da falegnanm per prodots da lain e giovarets, tessonda cun üna vasta spüerta da prodots tessüts in chasa sco eir la producziun da chandailas, clinöz e textilias, prodots da reciclagi, sur lavurs da seria e mailings fin pro lavurs da gastronomia in chadafö ed in noss'aigna mostaria o i'l café d'üert "Monreal".

Plazzas da lavur libras in ufficinas protettas

Tschercha El/Ella per sai svess o confamiliars üna plazza da lavur protetta in üna gestiun da Movimento assistda? Gugent Til/Tilla cussaglia Dr. Karin Hänni persunalmaing al telefon +41 81 851 12 11 o karin.haenni@movimento.ch per chattar la plazza d'occupaziun optimala in ün chomp da lavur adattà.

Contact

• Samedan: Seraina Camichel-Godly, tel. +41 81 851 12 12, e-mail: seraina camichel@movimento.ch
• Poschiavo: Josy Battaglia, tel. +41 81 844 04 74, e-mail: josy.battaglia@movimento.ch
• Scuol: Corinne Pedotti, tel. +41 81 860 31 14, e-mail: corinne.pedotti@movimento.ch